VEDRA EMPRESAS

 

Tras a boa acollida que tivo no mercado a xinebra NORDÉS, a empresa vedresa que a elabora presentou oficialmente fai uns días un novo produto: o vodka NORDÉS.

 

Produto ao que lle agardamos o mellor dos éxitos ao tempo que felicitamos ás empresas que, como esta, crean produtos da nosa terra e os comercializan aquí e fóra.

 

BO NADAL!!!

VEDRA EMPRESAS

A empresa de lámpadas Arturo-Álvarez ubicada no Concello de Vedra, forma parte dunha campaña da Xunta de Galicia e de Galicia Calidade, como empresa que está a exportar.

Dende estas letras, noraboa polo “traballo ben feito”.

Arturo Álvarez adícase ó deseño e produción de todo tipo de luminarias decorativas. Ofrece obxectos de gran personalidade, únicos, para entornos privados e públicos. Conta cun equipo profesional altamente cualificado, motivado e un proxecto de empresa claro. Todos estes factores fan que Arturo Álvarez esté presente en máis de 50 países, e que o seu traballo sexa recoñecido por un público amplo e que nos últimos anos reciba importantes premios de deseño e diversos recoñecementos.

Podes ver a calidade e orixinalidade dos seus produtos en: www.arturo-alvarez.com

Escola de familias

O proxecto da Escola de familias nace da iniciativa de pais e nais do concello de Vedra e o departamento de Servizos Sociais do Concello de Vedra (Área de educación), coa intención de crear un espazo de debate sobre temas educativos de interés para as familias.

Trátase dun proxecto enmarcado na educación de adultos a través da participación e para a participación como pais e como nais, participación nos espazos que son decisivos para a educación dos nosos menores co ánimo de poder ofrecer as respostas axeitadas ás necesidades que presenten.

Máis información:

Na Educadora familiar 981814693 e na páxina do concello www.concellodevedra.com onde poderedes descargar o cuestionario.

FOLLETO DE PROPOSTAS DE NADAL NO CONCELLO DE VEDRA

Rastriño de segunda man

Éxito da Semana da Ciencia 2012

 O Concello de Vedra ven de celebrar esta pasada fin de semana os últimos actos dunha nova edición da súa  Semana da Ciencia que nesta ocasión adicou ás enerxias e desenvolvemento sostible, aproveitando que a ONU ten declarado este ano, 2012, como o Ano Internacional da Enerxía Sostible para Todos.

O actos que comezaron  cunha exposición elaborada polo CSIC titulada A enerxía móvenos, que tivo lugar no CPI de Vedra, continuaron cunha conferencia a cargo de Rosa Núñez, técnico do INEGA no Centro sociocultural de Vedra, o martes 20 de novembro, quen disertou sobre Enerxía e desenvolvemento sostible.

Vedra en ciencia 2012, continuou o sábado 24 cunha  charla- coloquio a cargo de Javier Vilas Giadanes (Xefe de Proxectos en Enerxías Renovables) sobre as Enerxías Renovables e Eficiencia Enerxética. Seguidamente presentouse o documental elaborado polas persoas maiores co título “Enerxía Sostible no Fogar”.

O domingo 25 celebrouse a Feira da Ciencia, que nesta ocasión presentaba como temática as enerxías renovables e todas as súas posibilidades. Foi esta unha iniciativa educativa que mobilizou a 217 escolares que participaron cos seus traballos, superando todas as expectativas iniciais. Ademais esta Feira reuniu tanto aos protagonistas e creadores dos proxectos coma aos pais e nais que gozaron das exposicións dos pequenos e aos mestres e mestras dos diferentes centros que se achegaron ata o Pavillón Municipal, no que se xuntaron máis de 350 persoas, o que fala do enorme éxito da convocatoria.

Despois da exposición de todos os proxectos da Feira da Ciencia ante as persoas asistentes e o xurado (que polo elevado número de traballos presentados tiveron que  dividirse en dous equipos, un para avaliar as categorías de infantil e primaria e outro para os de secundaria) foi o turno do grupo de teatro do CPI de Vedra que representaron “O Enterro da Bombilla”, obra creada para a ocasión representando a substitución das lámpadas tradicionais polas led, tal como establece a normativa para a partir deste ano.

Para finalizar e como broche de ouro deuse a coñecer o veredicto do xurado e repartíronse os premios de participación para todas as persoas participantes na feira.

Dende logo foi un 25 de novembro moi especial para Vedra e que ademais da man da Asociación de Mulleres Berenguela na Feira tivo tamén un recuncho para o recordo da conmemoración do Día Internacional en Contra do Maltrato de Xénero.

Semana da Ciencia 2012

O Concello de Vedra presenta o programa dunha nova edición da súa Semana da Ciencia, nesta ocasión a iniciativa  ten como temática “O ano internacional da Enerxía Sostible para todos”.

XORNADA DE PREVENCION DE RISCOS NO FOGAR

MAGOSTO 2012

A clausura do programa Entretempo de outono puxoa coma sempre o noso coñecido Magosto na tarde do pasado sábado día 10 de novembro,l no Centro Sociocultural de Vedra en torno ás 20:00 horas do serán.

Na degustación de castañas deste ano contamos cas actuación do grupo de música tradicional Raiolo de San Xián de Sales e da Coral da 3ª Idade de Vedra que interpretou uns populares cantos de taberna. Ambos grupos deron o pé para o baile que os sucedeu no magosto.

CONCURSO DE DOCES

 

 

 

 

O sábado 10 de novembro desenvolveuse no Magosto Municipal unha nova edición do Concurso de Doces, no que participaron  dezaseis persoas.

O xurado composto por:

María Jesús Villaverde Núñez, cociñeira do Restaurante Villaverde

Henrique Vázquez Martínez, concelleiro de Cultura e Xuventude do Concello de Vedra.

Conchi Vázquez Gómez, cociñeira no Hospital Clínico de Santiago.

 

1º PREMIO

Tiveron a difícil tarefa de escoller os tres mellores doces.  Os tres salientaron a orixinalidade, laboriosidade, boa presencia e delicioso sabor de todos os traballos presentados. Aínda así tiveron que elixir tres e estes foron:



 

2º PREMIO

-         1º premio para o “Semifrío de Castañas con Salsa de Noces” de Mª Pilar Mosquera Ferreira.

-         2º premio  para a tarta de “Osiños do Outono” de Cristina Corral Vázquez.



-         3º premio para a “Mouse de Limón con Pasas”  de Laura Iglesias Bouzón.



3º PREMIO

Ademais o xurado decidiu dar dúas mencións máis:

-         A Tarta de Froitas de José Antonio López

-         A Tarta de Castañas de Salóme Mera Souto

 

SAÍDA MICOLÓXICA

Entre as actividades programadas dentro do Entretempo de Outono o pasado sábado día 10 de novembro gozamos dunha saída micolóxica.

A cita estaba prevista para as 10:30 da mañan do sabado, onde as máis de 30 persoas que se inscribiron nesta actividade, acompañadas por Fernando González Torre (micólogo local) se adentraron nos montes vedreses na procura de setas.

Nun principio parecía que o tempo non quería acompañarnos pero o longo da mañan foi abrindo o sol que nos fixo máis agradable a saída. Entre as variedades atopadas temos boletus, cantharellus, macrolepiotas, níscalos,...

Programa ... Entretempo de Outono no Concello de Vedra

O 6 de novembro de 2012 o Concello de Vedra comezou as actividades do seu Programa … Entretempo de Outono e fixoo co obradoiro de cociña impartido por Javier Cajaraville Sánchez, cociñeiro veciño de Vedra , mestre na escola de hostalería de Lamas de Abade e propietario da Pastelería Carlisa.

25 persoas participaron desta actividade que tiña como finalidade adaptar a nosa cociña aos nosos recursos naturais. Deste xeito os protagonistas foron os cogumelos e as castañas que adornaron as seguintes receitas: “capón estofado con castañas e setas”  e “conexo á cazadora”  que foron moi ben acollidas polas asistentes e que serviron de excusa para que o cociñeiro lles contase moitos outros trucos e consellos para a elaboración de receitas moi apropiadas para este tempo.

Este programa continuou o  xoves 8 de novembro cun novo obradoiro, esta vez de repostería a cargo de Mª José Peña Franqueiro e Marina Silva Peña propietarias do “Forno de San Xián”. Nel deronse a coñecer as doces posibilidades dos productos do outono con base de castañas como as "Filloas recheas de crema de castañas" ou o "Pudin de castañas".

 

 

 

Obradoiros de cociña de outono

ENTRETEMPO DE...OUTONO

ESTREA DA CURTAMETRAXE "NEBRA"

NOVO PARQUE BIOSAUDABLE

A Asociación de Veciños de Santa Cruz de Ribadulla co financiamento do Programa Leader Galicia 2007-2013, xestionado polo GDR Terras de Compostela, levou a cabo un proxecto consistente no acondicionamento dun espazo natural na parroquia de Santa Cruz de Ribadulla destinado a área recreativa, paseo e instalación de parque biosaudable, coa finalidade de mellorar a calidade de vida e benestar dos veciños.

Os obxectivos das actuacións son entre outros:

- Recuperación  e posta en valor dun espazo de gran beleza e patrimonio natural. Mellora do medio ambiente e da contorna rural.

- Fomento do uso social, educativo e recreativo dun espazo natural.Recuperación, mediante a conservación e tratamento de elementos naturais (árbores autóctonas, recuperación do entorno do regato, flora e fauna, ....)

- Este proxecto contribuirá á mellora da calidade de vida da zona,  e fomentaranse hábitos saudables ao aire libre, nun espazo de gran valor natural. Incremento do valor engadido do territorio e dos establecementos e centros turísticos mediante a recuperación de espazos paisaxísticos.

- Interacción e socialización entre os usuarios das instalacións. Mellora social de todos os colectivos de usuarios destas instalacións, mediante a socialización, relación interxeracional, hábitos saúdables, actividades que se organicen, contacto coa natureza en familia ou en grupo de amigos/veciños,…

 

No próximo boletín municipal ampliarase a información sobre este novo espazo de lecer do concello.

RAFTING POLO RIO ULLA

A xuventude de Vedra volve á aventura!!

Aproveitando as moitas posibilidades que nos ofrece o Río Ulla propoñémosche esta emocionante actividade que consistirá nunha baixada polo río dende Porta Sinde (Carcacía) ata Herbón.

REQUISITOS: Ser maior de idade e saber nadar.

                    Levar roupa de baño e calzado axeitado.

DATA: o sábado 3 de novembro

PRAZO DE INSCRICIÓN ABERTO ATA O 31 DE OUTUBRO OU ATA CUBRIR AS PRAZAS no teléfono 981 814 691 ou no correo casadospeons@concellodevedra.com

PREZO: 20 € por persoa (inclúe trasporte, o material para o desenvolvemento da actividade e os monitores da mesma).

 

II FOLIADA DO SOUTO DE SAN FINS

A Asociación Agarimo de San Fins proponnos para o Sábado 13 de Octubre, na parroquia de San Fins a segunda edición da Foliada do Souto que dará comezo a partir das 21.30 horas.
Todos os presentes podrán gozar cas actuacions dos seguintes grupos folclóricos:

-Son do Souto, de A.C. Agarimo
-Raiolo
-O Ghusto do Boi
-Os Esfolladores
-A Requinta da Laxeira
-Os Imprevistos
 No campo da festa tamén haberá postos de comida e bebida con precios anti -crisis.

LUVAS VERDES

Continuamos co programa  A LIMPAR VEDRA, despois desta parada estival.

Se tes interés podes colaborar ou tomar parte do proxecto LUVAS VERDES de varias formas:

• Localizando ou inventariando un  lugar ou espazo que estea sendo utilizado de vertedoiro incontrolado e notificándonolo no concello, ou
• participando nas PATRULLAS VERDES , como voluntario/a ambiental e axudando na limpeza destes vertedoiros.

 A próxima saída está prevista para o 6 de outubro  e desta volta centraremonos no Río Pereiro e na contorna do muíño de Fufin.

Se queres apuntarte e participar parte neste programa, ou obter máis información podes solicitala no teléfono 981814612 ou no enderezo electrónico casadospeons@concellodevedra.com.

 

Vedra “Pobo Aquarius”, “pobo adoptivo”

O Concello de Vedra participa en “Pueblos Aquarius”, unha campaña publicitaria que centra a súa mensaxe en intentar revitalizar o turismo interior de pequenos pobos a través da web www.laeraaquarius.com, ofrecéndolle ás persoas de cidade a posibilidade de facerse “fillo adoptivo” dun pobo Aquarius e con ese título poder desfrutar dunha serie de ofertas nos establecementos de hostelería do pobo.

Aproveitamos a ocasión para agradecerlle a súa colaboración aos establecementos participantes nesta promoción, que dalgún xeito axuda a poñer a Vedra “no mapa”.

Visítanos no seguinte enderezo web: http://aquarius.cocacola.es/pueblo.php?id=134, difunde esta importante promoción do teu “ pueblito lindo” e presume de Concello.

Andaina canina

Seguindo co  programa de rutas de sendeirismo que o Concello de Vedra promove,  desenvolveuse este domingo, 23 de setembro, en colaboración co Club de cans de familia, Só lles falta falar, unha ruta de sendeirismo, polo fermoso roteiro de San Xoán da cova, a carón do río Ulla.

Esta novedosa proposta buscaba combinar o lecer dos aficionados ao sendeirismo co das persoas que gustan de pasar os seus ratos de ocio cos seus cans, aproveitando as rutas de sendeirismo que este concello preparadas para que quen os visite poida coñecer e desfrutar do  municipio.

Nesta nova inciativa participaron participaron medio cento de persoas , máis da metade acompañados das súas mascotas. A xornada transcurriu con normalidade a pesares de que a climatoloxía non animaba á participación, aínda que salvo ao comezo da ruta e xusto ao remate, nos que a chuvia e o vento restaron brillosidade ao evento, o resto estivo seco e cunha temperatura óptima para o percorrido.

A saída foi ás 10.00 h do mirador de Gundián, na parroquia vedresa de Ponte Ulla, ao pé da antiga ponte do ferrocarril (que é o logo turístico do concello). Transcurreu ao longo do río ata a antiga ponte da N525, cruzou o núcleo de Ponte Ulla, onde veciños e vendedores dos postos da feira (que se celebra cada 4º domingo do mes) se viron sorprendidos ao paso dos cans. Continuou polo muiño de Reboredo e seguiu a carón do río Ulla, pasando a área recreativa de Agronovo, a Casa museo da pesca e o Couto de Ximonde ata chegar á área recreativa de Cubelas en San Pedro de Sarandón.

Ao remate parte dos sendeiristas compartiron comida na parroquia de San Miguel de Sarandón e os comentarios versaban sobre a beleza, o coidado e a singularidade da ruta, que animaron aos participantes a repetila.

A actividade cos cans foi coordinada por unha especialista en conduta animal, colaboradora do club.

As persoas  participantes cos seus cans necesitaron facer unha inscrición previa no concello onde recibiron unha serie de pautas para  facilitar a organización da actividade.

 

Andaina Canina pola ruta de sendeirismo "San Xoán da Cova"

Seguindo co  programa de rutas de sendeirismo que o Concello de Vedra promove, achegámosvos unha nova iniciativa que agardamos sexa do voso interés e vos animedes a participar.

Esta novedosa proposta intenta combinar o lecer dos aficionados ao sendeirismo co das persoas que gustan de pasar os seus ratos de ocio cos seus cans, aproveitando as rutas de sendeirismo que temos preparadas para que quen nos visite poida coñecer e gozar do noso municipio.
 

Para iso, o Concello de Vedra en colaboración co Club de cans de familia, Só lles falta falar, organiza una ruta de sendeirismo o vindeiro domingo, 23 de setembro, polo fermoso roteiro de San Xoán da cova, a carón do río Ulla.
 

A saída será ás 10:00 do mirador de Gundián, na parroquia de ponte Ulla, ao pé da antiga ponte do ferrocarril (que é o logo turístico do concello). Transcorrerá ao longo do río ata a antiga ponte da N525, cruzará o núcleo de Ponte Ulla, para continuar polo muíño de Reboredo e seguir a carón do Ulla, pasando a área recreativa de Agronovo, a Casa museo da pesca e o Couto de Ximonde ata a área recreativa de Cubelas en San Pedro de Sarandón.

A actividade cos cans será coordinada por unha especialista en conduta animal, colaboradora do club.
 

As persoas interesadas en participar cos seus cans necesitan facer unha inscrición previa no concello onde recibirán unha serie de pautas para  facilitar a organización da actividade. Esta inscrición pode facerse no teléfono  981 814 691 ou directamente nas oficinas municipais.

As persoas que participen sen cans, non precisan inscribirse, aínda que se recomenda para unha mellor organización da ruta.

Máis información:

www.concellodevedra.com

http://vedraconecta.blogspot.com.es/

http://sollesfaltafalar.wordpress.com/

Ciclo Teatral “FEGATEA MÓVETE”

 
Como xa nos teñen acostumados a Asoc. Cultural Papaventos volve a traernos teatro.

Esta vez a través da súa colaboración coa Federación Galega de Teatro Afeccionado preséntannos "FEGATEA MÓVETE" co seguinte cartel.

  




    

Data actuación	Grupo	Obra
16/09/2012	RUEIRO (Vigo)	A MIÑA MULLER E O FONTANEIRO
22/09/2012	CHUMPÁ TEATRO (Cuntis)	MARIBEL E A EXTRAÑA FAMILIA
23/09/2012	METATESE (Palas de Rei)	BOLBORETAS

LUGAR DAS REPRESENTACIÓNS: CASA DA TERCEIRA IDADE DE VEDRA

HORA DAS REPRESENTACIÓNS: 20.00 h

PREZO POR REPRESENTACIÓN: 2 € por persoa.

Os menores de 12 anos terán entrada gratuíta!!

Programa de Actividades Culturais e Deportivas

Coa chegada do curso escolar comeza a programación cultural e deportiva do Concello de Vedra.
Bótalle unha ollada!!!!!!
Hai actividades para todas as idades, podes consultalas neste blog clickando na pestaña que ves na parte de enriba.

O teu sangue é vida. Compártea

Axenda desta fin de semana en Vedra

O Concello de Vedra ofreceche varias alternativas para o lecer nesta proxima fin de semana.
Así tes:
- O 7, 8, e 9 de setembro as Festas do Gundián.

- O 8 e 9 de setembro o I Torneo Val do Ulla Cadete e Xuvenil

Presentación de 'Cántigas da Ulla' e 'Coplas ulláns' na Ponte Ulla

Hoxe 6 de setembro, antevéspera da romaría do Gundián, a Asociación Cultural Raiceiros presentará contra as nove da noite as publicacións 'Coplas ulláns' e 'Cántigas da Ulla' na antiga reitoral da Ponte Ulla.

 

FESTA DE CLAUSURA DOS CURSOS DE NATACIÓN

Este xoves día 30 de agosto, a partir das 16:00 horas na piscina municipal de Vedra, Gran Festa de Clausura dos Cursos de Natación.
Haberá inchables acuáticos, globoflexia, música, xogos,... Achégate ata a piscina e pasa unha tarde diferente!!!!!!!!!!