8 DE MARZO, DÍA DA MULLER TRABALLADORA

Como non podía ser menos, unímonos á celebración do DÍA INTERNACIONAL DA MULLER TRABALLADORA o 8 de marzo, unha data ben significativa para as mulleres e os homes que cremos na igualdade.

IX Mostra de Teatro Amador de Vedra.

Asociación Papaventos

Teatrofilia 2012

Chega a cita anual co TEATRO en Vedra, que encherá as tres primeiras fins de semana de marzo. Non vos perdades esta oportunidade!!

LUGAR: Casa da Terceira Idade –Vedra

PROGRAMA:

Venres  2  marzo 21:15

Compañía: Asoc. Teatral do Miolo &Cia (Lugo)

Obra: “Barvarela: Almorzos e cubatas” +16

Sábado 3  marzo 21:15

Compañía: Carrachanacacha (Narón)

Obra: “Gheidi” +16

Domingo 4 marzo 19:45  - Actuación Profesional

Compañía: Volta e Dalle Teatro 

Obra: “Menciñeiros” TP

XVIII Xornadas arredor da camelia

Esta edición das xornadas encheu de actividades o mes de febreiro, e todas elas tiveron a camelia como verdadeira protagonista.

Primeiro foi o “Roteiro: A Camelia nos pazos e casas grandes de Vedra” que o pasado sábado 11 de febreiro visitou distintos pazos do concello e algunha das súas casas con gran riqueza de camelias e que fixo moi animada  a mañá.

Esta iniciativa novidosa involucrou a un total de 49 participantes, que disfrutaron dunha soleada mañá e na que puideron aproveitar a ocasión para capturar as súas imaxes para participar na proposta de Fotocamelia.

Para rematar o grupo desfrutou dunha degustación de productos típicos do Concello doados por establecementos colaboradores.

En definitiva unha mañá distinta para dar pistoletazo de saída ás XVIII Xornadas da Camelia.

Seguidamente o xoves 16 de febreiro na Casa da Estación do Tren, que acolleu nesta ocasión as ditas xornadas, desenvolveuse o “Obradoiro: Multiplicación de camelia por estaquiñas e enxerto” impartido por dona Leonor Magariños. Este obradoiro tamén foi moi ben acollido polo público en xeral e ata 35 persoas participaron del.

E desta maneira chegou o día grande, o domingo 26 de febreiro. Neste día a Praza da Estación de Tren de Santa Cruz acolleu as XVIII Xornadas da Camelia, convertida nun escaparate para esta flor de inverno. Nela ata 16 participantes presentaron as súas composicións ornamentais. Ademais presentaronse as fotografias participates en FOTOCAMELIA e os concursos para a mellor flor de camelia e o mellor centro foral.

Ás 12.00 h da mañá e da man do Secretario Xeral da Consellería de Medio Rural e do Mar quedou inaugurada esta xornada, na que a beleza da camelia quedou máis realzada que nunca.

A nota musical veu de man das dúas Escolas de Música do Concello de Vedra e a tarde estivo marcada pola entrega de premios nas diferentes categorías e os obradoiros infantís.

Por outro lado a Asoc. Amigos do Ferrocarril  estivo presente toda a xornada coa súa exposición “50 anos de historia do ferrocarril”  e moi especialmente coa proxección do documental “Carrilanos. Os túnelos dun tempo”.

Ás 20.00 h clausuraba esta xornada a conselleira de Medio Rural e do Mar Dona Rosa Quintana Carballo.

XVIII XORNADA ARREDOR DA CAMELIA

MENÚS DE ENTROIDO. Ofertas especiais nos restaurantes de Vedra

Gran participación no obradoiro de multiplicación de camelia

A Asociación Amigos da Camelia Val do Ulla en colaboración co Concello de Vedra continuan a desenvolver a súa programación durante todo este mes de febreiro dentro das súas XVIII Xornadas Arredor da Camelia.

Máis de trinta persoas asistiron na tarde de hoxe á Casa da Estación do Tren en Santa Cruz para participar no obradoiro: Multiplicación de camelia por “estaquiñas” impartido por Leonor Magariños (con 30 anos de experiencia no mundo da camelia).

As actividades da programación continúan, por exemplo co Concurso fotocamelia 2012, que pecha hoxe venres o seu prazo de inscrición e que presentará os seus traballo  o domingo 26 de febreiro na XVIII Xornada Arredor da Camelia, que nesta edición presenta unha nova imaxe nun novo emprazamento: A Casa da Estación de Tren de Santa Cruz de Ribadulla.

POSTA A PUNTO. Obradoiro de redes sociais

Venres 17 de febreiro (Telecentro) .

OBRADOIRO DE REDES SOCIAIS

1.Introducción ás Redes Sociais.

2.A seguridade e privacidade nas Redes Sociais

3.Creación de Perfil de Usuario en Facebook e Twitter

4.Utilidades entre redes sociais.

5.Creación de eventos e difusión de información.

- Para participar nos obradoiros  hai que anotarse no Tfno. 981 814 691 ou en xuventude@concellodevedra.com .