jueves, 28 de enero de 2016
jueves, 21 de enero de 2016
ENTROIDO MUNICIPAL DE VEDRA
NO ENTORNO DO PAVILLÓN
POLIDEPORTIVO E O CENTRO SOCIAL DE VEDRA
BASES DO CONCURSO DE DISFRACES
:
PARRANDAS CANTAREIRAS
Requisitos: Estar formada por un
mínimo de 8 persoas e contar con música e cantares.
1º premio: 100 € e unha
cacheira, dúas dúcias de chourizos e un monllo de grelos.
2º premio: 100 €. Dúas dúcias de chourizos e un monllo de
grelos.
COMPARSAS
Requisitos: Estar formada por un
mínimo de 8 persoas e ter unha temática.
1º premio: 100 €. Unha cacheira, dúas dúcias de chourizos e un
monllo de grelos.
2º premio: 100 €. Dúas dúcias de chourizos e un monllo de
grelos.
DISFRACES EN GRUPO
Requisitos: Ter entre 3 e 7
integrantes de calquera idade.
1º premio:: 50 € e unha dúcia
de chourizos e un monllo de grelos.
2º premio:: 50 € e unha dúcia de chourizos
DISFRACES EN PARELLA
A mellor parella de disfraces de 10 a 16 anos: Un
agasallo.
A mellor parella de disfraces de máis de 16 anos: 30 € + agasallo
DISFRACES INDIVIDUAIS
O mellor disfraz de 10 a 16 anos: Un agasallo.
O mellor disfraz de máis de 16 anos: 20 € + agasallo
*TODAS AS PERSOAS
DISFRAZADAS DE ENTRE OS 0 E OS10 ANOS
RECIBIRÁN O SEU AGASALLO
DE PARTICIPACIÓN.
VIVES EMPRENDE, competencias para o emprendemento de mulleres no rural
O Concello de Vedra e a Fundación Acción
Contra el Hambre levarán a cabo durante 2016 dous programas gratuítos para
a capacitación e inclusión de mulleres
no rural:
·
“VIVES EMPRENDE,
competencias para o emprendemento de mulleres no rural”, é un programa de
inserción sociolaboral, que pretende facilitar o acceso ao mundo laboral das
mulleres desempregadas ou en mellora de emprego.
Neste
sentido, no marco do programa vanse desenvolver as seguintes actividades:
·
Sesións de diagnóstico de competencias emprendedoras.
·
Elaboración de Plans Individualizados de
Desenvolvemento Emprendedor.
·
Talleres formativos teórico prácticos.
·
Sesións de coaching grupal.
·
Sesións técnicas individualizadas de seguimento e
titorización da idea de negocio.
·
“AGROFORMACIÓN:
Vedra, Horta de Compostela 2016” ,
unha
acción formativa en materia de horticultura e floricultura. A finalidade da
acción formativa é proporcionar ás mulleres interesadas en traballar por conta
propia especificamente no ámbito agrícola os coñecementos necesarios para realizar
traballos de instalación, mantemento, produción e recolección nunha explotación
hortícola ou de flor cortada.
O programa VIVES EMPRENDE diríxese a mulleres
residentes en contornas rurais da Comarca de Compostela e o programa AGROFORMACIÓN: Vedra, Horta de Compostela
2016 diríxese exclusivamente a mulleres empadroadas no Concello de Vedra.
Ambos programas son totalmente gratuítos e non remunerados.
Os programas darán comezo en marzo deste ano e
desenvolveranse nas instalacións do
Concello de Vedra.
INFORMACIÓN
E INSCRICIÓNS
-
Coa finalidade de dar a coñecer os programas e presentar as súas actividades
celebrarase o martes 16 de febreiro de 2016 un encontro informativo ás 11.00 horas e outro ás 17.00 horas, no Centro
Sociocultural da Terceira Idade de O Burgo.
-
Data límite inscrición: martes, 16 de febreiro de 2016.
- Concello
de Vedra:
o
Persoas de referencia: Carmen Sabio e Cruz Vilas
o
E mail:
carmen.sabio@vedra.dicoruna.es ou
cruz.vilas@vedra.dicoruna.es
o
Tlf.: 699.041.486
(Mamen) ou 669.450.801 (Cruz)
o
Persoa de referencia: Susana Quintas
o
E mail:
squintas@accioncontraelhambre.org
o
Tlf.: 630 639
649
martes, 19 de enero de 2016
VII SEMINARIO-OBRADOIRO INTERNACIONAL DE AVALIACIÓN DE MATERIAIS DIDÁCTICOS
Vedra, 19 de Xaneiro.Hoxe tivo lugar na Casa do Concello de Vedra a presentación do VII Seminario-Obradoiro Internacional de Avaliación de Materiais Didácticos. Esta actividade presenta un carácter práctico na que se parte de distintos modelos de avaliación de recursos educativos dirixidos aos distintos ámbitos de ensino.
No acto de presentación interviron José Viaño (Director do CPI de Vedra), Ramón Lago (membro da ANPA “A BOCA” do CPI de Vedra), Jesús Rodríguez (profesor da USC e membro de Nova Escola e coordinador do seminario), Manuel Costa (Concelleiro de Educación, Turismo e Medio Rural) e Carlos Martínez (Alcalde do Concello de Vedra). Durante a presentación do seminario déronse a coñecer os obxectivos, metodoloxía e destinatarios do mesmo. Entre os obxectivos principais podemos destacar:
• Coñecer e usar guías de avaliación de materiais educativos
• Avaliar os materias didácticos a través de distintos modelos de avaliación
• Tomar decisións constructivas respecto dos materiais educativos no propio contexto
• Valorar os recursos educativos das principais editoriais para considerar a súa utilidade nas aulas.
Este seminario está dirixido a familias, docentes, estudantes de ensinanzas universitarias, educadores/as sociais, profesionais do ámbito do ensino… levarase a cabo os días 19, 20 e 21 de Febreiro no CPI de Vedra. Durantes estes tres días haberá mesas de debate, conferencias e diferentes obradoiros (os asistentes poderán escoller entre unha gran variedade dos mesmos). O último día quérese organizar unha visita pola contorna, para que todos os participantes poidan coñecer máis profundamente o Concello de Vedra.
Para máis información e inscripcións:
Web da actividade: http://educationre.wordpress.com
Twitter: @GrupoCAVILA
Tlfn: 981-56-25-77
Correo: neg@mundo-r.com
Que unha actividade destas características teña lugar nun Concello rural como é Vedra, favorece a súa proxeción cara o exterior e pon en valor os seus recursos, a súa xente, e a educación como elemento central de desenvolvemento.
CAMPAÑA DE ESQUÍ 2016
Aínda estas en prazo para anotarte na “CAMPAÑA DE ESQUÍ 2016”para a que este concello dispón de 3
PRAZAS. O prazo remata o vindeiro día 22 de xaneiro de 2016.
A
estancia e manutención desenvolveranse en aloxamentos ubicados na
estación invernal de Leitariegos. Poderán participar os rapaces/zas nados nos anos 2001, 2002, 2003, 2004 e 2005, e o custe da actividade é de 95,00 € como cota de participación que inclúe aloxamento, manutención, cursiños de esquí e o transporte dende a comarca, tanto de ida como de volta.
A
quenda que lle corresponde a Vedra é a 5ª QUENDA, dende o
06/03/2016 ó
11/03/2016.
No caso de ter máis solicitudes que número
de prazas concedidas pola Deputación, realizaremos un sorteo público
ante o/a Secretario/a do concello para adxudicar as prazas.
Máis información e inscrcións no teléfono 981 814 691.
jueves, 14 de enero de 2016
NOTA INFORMATIVA DA ASOCIACIÓN SENUNPESO... LAV´016
Este ano volvemos ter obradoiros
de balde para a xente máis nova. E cambiamos o formato, porque queremos chegar
a máis rapaces e rapazas. Queremos que @s que vos
pica a curiosidade do audiovisual, non teñades que pasar do LAV por que
sodes demasiado nov@s ou porque vos coincide co partido de fútbol, o ensaio da
banda ou unha comida familiar na casa da tía Antonieta.
Para iso faremos tres obradoiros diferentes, uns para 10 a 14 anos e outros para 12 a 16. E non serán todos de
fin de semana completa: teremos formatos diferentes, de 2 días, 1 día ou de só
4 horas.
E en Vedra xa tedes formularios para
anotarvos, tanto no CPI de Vedra, como no CEIP de Ortigueira, porque non
queremos que quededes sen praza: Os formularios recolleremolos o venres ás 3 da
tarde en Vedra, e ás 5 en Ortigueira. A partir do lúns 18 ábrese o prazo de
inscrición na web , e aínda podedes facelo, se vos
deixan os que queren vir de lonxe.
Non te despistes!
- #Vedra2Q16->
sábado13 de febreiro, de
Estraños feitos acontecen na tranquila vila de
Vedra durante a mañá do 13 de febreiro de 2016. Todo semella igual que a noite
anterior, se non fose porque se detectan estrañas presenzas, se observan inquietantes desaparicións e todo
parece mudar de sitio, o que nos fai pensar que no ano 2016 nada é o que
parece. Un grupo de rapaces atópanse no interior do CPI de
Vedra e son as únicas testemuñas do que acontece, co que terán a
responsabilidade de narrar os feitos vividos ao resto de terrícolas. Os participantes terán que escribir,
coa axuda dos seus móbiles, unha historia de guión imprevisible e resultados
inesperados. Seguindo a estrutura en tres actos (presentación, nó e desenlace),
construirán un relato “transmedia” coa axuda de tres aplicacións e do seu
brillante maxín.
- Xogando coa
holografía: domingo 14 de febreiro, de
Neste pequeno obradoiro explicaremos os principios básicos da holografía
e a diferenza entre o que son os "efectos holográficos" e a
holografía real. Veremos como o que hoxe coñecemos
como efectos holográficos se
inventou hai moito tempo e como estes existen na natureza. Finalmente amosaremos como é posible converter o móbil ou a tableta nun "proxector holográfico"
e ensinaremos aos asistentes a crear as súas propias holografías.
Para este
obradoiro é necesario traer un ordenador portátil, ademais dunha tableta ou un
teléfono móbil. Se alguén non ten ordenador portátil,
compartirá con outro alumno.
-
Xornalista por un día: sábado 13 e domingo 14, de 10 a 14 hs. e de 15: 30 a 19:30 hs. NON É
OBRIGATORIO ESTAR A TEMPO COMPLETO (podes escoller o sábado ou o domingo)
Se che gusta contar o que pasa e
como pasa, se che gusta escribir, preguntar, tuitear, fotografar, saber e
divulgar, quizais queiras ser xornalista por un día. Propoñémosche que formes
parte do gabinete de comunicación do LAV con este obradoiro no que
experimentarás de xeito práctico como se difunde un evento cultural.
Comezaremos por explicarvos un pouco de que
vai isto de informar e comunicar: uns conceptos básicos e de que vai iso da
ética do xornalista. Segundo as vosas preferencias, crearemos un equipo
multidisciplinar no que vos ensinaremos as diferentes tarefas de comunicación
para que cadaquén asuma as facetas que máis lle gusten: redactar informacións,
xestionar redes sociais, tirar fotografías, coordinar o equipo, contact ar coa prensa....
lunes, 11 de enero de 2016
OBRADOIRO DE COSTURA
O vindeiro mércores 13 de xaneiro comeza un novo
trimestre do obradoiro de costura que se desenvolve
semanalmente na Casa das Artes de Vedra.
Se che gusta coser, ou simplemente tes interese en
aprender… aínda quedan dúas prazas vacantes!!
Chama XA ao teléfono 981 814 691.
Suscribirse a:
Entradas (Atom)